proszę o dialog (krótki scenariusz)gwarą Plis... potrzebne na jutro

-Czejś Antek kaj tak lecis? -Mama wysłała mje do sklepu -A moga iś z tobu niy mom terozki nic do roboty? -Toć że możesz - A niy poszli by my dzisioj na boisko pogabić sie jak nasi rajom w fuzbal? -Powiym Ci niyskorzyj bo musza się mamy spytać -No dobra jak zrobia zadanie to szczyrkna do Ciebie , to mi powiysz czy pódziesz. - Dobra, byda czekoł na telefon - To czejś - Pyrsk

- Cześć Paweł! - Cześć! Co robisz? - Jo ida do ołpy, bo ołpa obiecali zrobić kulig. - Ja, to fajnie, mogam też iść z tobom? - Ja, puć! A sonki mosz? - Mom, ale mom za krótki szpagat.Wezma se inkszy, delszy. - Musimy se śpiechać, bo ołpa już zaprzyngają kunie do sań. - No to puć tu na skróty przez te górki, to bydziemy rychli u twojego ołpy. - Szczyńś Boże ołpa. Przysmyczyłżech jeszcze kumpla.Czy moga go też weż z nami? - No toć ja.Śpiechejcie se synki, zawiążcie te sonki o sanie i jedzymy! - Mariusz! Kuknij jako banda jeszcze leci ku nom ze sonkami! - No to synki ruszomy! Wio, wio Siwek! - Mariusz, podziwej se jak tu jest fajnie i jak tyn śnieg leży na tych stromach. - Paweł, dzier se, bo zaroz bydzie taki wielki zakrynt! - Ci na zadku uż se tam kulają. Stowejcie, bo was sam niechomy. - Wiesz, jak jo se rod woża na kuliku! Zaroz se szczepia tyn śnieg z gymby. - Hej kuniczki!!! Gnejcie wiela mocie sił w szłapach, a niech Mariusz mo więcej tego śniegu na gymbie. - Kuknij se! Jak jo byda szłapami hamować to ci z zadku bydom wyglondać jak bałwany. - Jyno se mocka nie wygłupiej, bo możesz szłapa złomać! - Jo? Nigdy! Wiysz jaki jo je twardy gizd! - Tyn kulig to jest fajno uciecha, co? - No toć że fajno! Patrz, jakie jo teraz zrobia brymzy! - Nie rób tak!!! - Ała, ała!!! Mariusz coś żech zrobił z szłapom! Ała, ale boli!!! - Ołpa! Musicie zaroz jechać nazot, bo możno Paweł coś zrobił ze szłapom! - Dobra! Prrr kuniczki!!! Pokoż to sam yno. Trza bydzie go zaroz zawież do doktora, on już bydzie wiedzioł co robić. - O kurcze! Jak mie to rwie!!! - Widzisz! Godoł żech ci że to tak se nie robi, ale ty zawsze jeżeś mondrzejszy i teraz bydziesz mioł szłapa w gipsie. - No ja! Na podruge bydam wiedzioł że mom też trocham posłuchnyć, jak se do mnie godo. - Puć boroku, pomogam ci do chałupy zajść! - Dzienki, stary kumplu. Teraz byda w domu siedzioł. Przyjdź mnie sam po szkole nawiedzić! - Ja, jo jutro przida i ci powiam co tam trzeba pisać i rachować. - No to trzymej se!!! - Cześć!!! MARIUSZ UCZEŃ KLASY IV B DIALOG DRUGI - Karolina, kaj idziesz? - Jo ida do omy. - A po co tam idziesz? - Bo musz jyj pomóc myć garce,talyrze i insze noczynia. - A mogam iść z tobom? - Jak chcesz to możesz iść. - No to puda z tobom , byda ci pomogać. A twoja oma jest choro, abo co? - Ni, nie je choro, ale dzisiej jest jakoś słaba. - A co ? Leży w łóżku? - Ni, ona yno siedzi w zeslu i abo sztrykuje abo chykluje. - No to ida z tobom, ale jak tam bydzie moc roboty to idam dudom. - Nie lynkej se, ti możesz myć te garce a jo byda biglować. Potym już razem uwarzymy jyj brotzupa i bydziemy fertich. - A kaj je twój opa? Ni ma go doma? - Ni, pojechoł do Rajchu. - A po co tam na starość jechoł? - On tam jednym kamradom flizuje łazienka, ale już po niedzieli bydzie doma. - No to boroka ta twoja oma.Chodź pryndko idziemy jej pomóc. KAROLINA I ANIA UCZENNICE KLASY IV B Zebrała nauczycielka historii i edukacji regionalnej Daria Machnik